應該點同貓貓沖澡?

VIN_8

我養六隻貓, 貓唔出街既, 我地半年沖一次; 以前同貓沖涼, 要一個人捉住, 另一個人沖, 間唔中捉唔住都會飛貓上身, 搞到幾條血印.
後來我地轉佐辦法, 就一個人沖得啦, 而且好輕松.
個辦法就係, 你需要
1. 一個比較細小既洗手間
2. 花灑頭的管比較長, 可以噴水落幾乎廁所既每一個角落
3. 洗手間每個角落都可以濕水
如果滿足以上條件, 你就可以放貓入去, 跟住攞住個花灑頭跟住佢沖, 仲有一隻手可以撥下佢D手, 佢再多都係吵兩句, 同埋周圍走, 但係因為無人捉住佢, 佢都唔會有過激行動. 所以每次要同貓沖涼已經係小事一椿.              

乂小峰峰乂

應該點同貓貓沖澡呢?
沖個陣有d咩要注意?
咁隔幾耐周貓貓沖澡一次呀??        

Yannie_SC

其實貓貓自己成日都會沖涼
所以唔洗成日洗的
貓好怕水的              

yikyae111

首先要明白同貓沖涼的原因
貓貓的口水有細菌，常常lam自己，lam身上的毛落肚，沖涼可幫貓貓殺菌和將一些身上的垃圾(如 癈毛)清除。也可防止使主人敏感。所以要定期幫貓貓沖涼。
請問你的貓兒有多大？成貓？貓bb？
如果是成貓才第一次沖涼，牠可能會反應很大，會反抗
所以要漸進式
貓兒天生怕水，所以每星期先用濕毛巾幫貓貓抹身一次，等牠慢慢習慣水
做法：開一盆溫水，加一、兩滴貓專用的洗毛液，扭乾毛巾幫牠抹全身，順毛和逆毛各抹三次。
持續抹身四個星期左右，下個月再抹身時，試下用較先前濕的毛巾幫牠抹，以試試牠的反應。有反抗的話，便暫時維持抹身，如沒反抗或合作的話，便可以試下幫牠沖涼。
沖涼前的準備：
1. 先幫牠剪甲，免得在沖涼時，抓傷主人
2. 主人宜穿上長袖衫和長褲，以防被抓傷
一般來說，除非貓貓好驚，或受傷，不然很少會攻擊自己的主人
沖涼用品：
1. 一個小盤
2. 一個膠毛刷 (寵物用品店有售)
3. 一個小膠杯(沖身用)
4. 一支貓專用的洗毛液 (寵物用品店有售)
5. 一條大、厚的毛巾 (沖涼後抹身用)
6. 一個暖風機 (在冬天沖涼後，吹毛用)
沖涼時要留意：
關上廁所門，以防貓貓逃跑及受外界影響而受驚！
沖水：
先用小盤開暖溫水(注意不可熱)，水位太約3-4吋深左右。一隻手逗住牠的頭仔，另一隻手用小杯量水由尾巴開始沖水，慢慢沖上去至身體及至頸部，貓貓驚叫時，別大聲呼喊牠，要溫柔安慰，一邊沖涼，一邊讚牠乖，安慰牠。別讓水流入貓貓的耳朵，只沖身，不用沖洗頭部。
加洗毛液，用膠毛刷幫貓貓安摩，直至全身都洗了毛。再用清水過水，做法與沖水相同，過清水後，做大毛巾抹乾，一邊抹，一邊吹暖風機。
如在夏天沖涼，可選在中午最熱的時間，用室溫水幫貓貓沖涼，抹乾身後，讓貓毛自然乾。冬天則要用暖風機吹乾曬毛毛，才放牠離開廁所，以免貓貓著涼生病。
沖涼和抹身後：
要記得給貓貓小食獎勵牠，要讚牠乖，肯沖涼！係一隻乾淨貓！咁樣貓貓漸漸知道，牠肯沖涼會有獎，主人仲意牠沖涼，便會慢慢接受沖涼架啦！
咁隔幾耐周貓貓沖澡一次呀??
那要視乎貓貓是否只在室內活動？或常有戶外活動？
只在室內活動的貓，可以幾個月沖一次，但常有戶外活動的貓貓，則要沖密些啦，大約每個月沖一次。平時每星期都幫貓貓抹一次全身。